Физикалната терапија може да биде индицирано пред операцијата, со цел да се намали воспалителниот процес и да се зголеми обемот на движењето на зглобовите, како и зголемување на целокупната мускулна снага и издржливост, кои ќе ви помогнат за брзо и правилно постоперативно закрепнување. Постоперативно, штом ќе ви се препише терапија од страна на доктор физијатар, ќе се работи со физиотерапевтите, а секако под надзор на доктор. Целта на третманите ќе биде да се намалат негативните ефекти од операцијата, како што се отокот и болката, но и за да се поврати нормалното движење, флексибилноста и функцијата на зглобот.
Долорес помага во надградување и подобрување на способностите на пациентите по операцијата. Постоперативната грижа, која е фокусирана на функционалната и мануелната физикална терапија, помогнати со современа апаратура, е нашиот докажан метод со кој доаѓаме до целта. Како резултат на целокупната работа, ние сме во можност да помогнеме за побрзо и полесно враќање на пациентот во неговото секојдневие.
